Во согласност со чл.74 од Законот за измени на Законот за воздухопловство (Сл. весник на РМ бр. 24/07), Управата за цивилна воздушна пловидба (УЦВП) од 27.03.2007 година продолжи со работа како Агенција за цивилно воздухопловство (АЦВ).
Грижата за безбедноста на цивилното воздухопловство продолжува да биде фундаментална одговорност на Агенцијата за цивилно воздухопловство и помеѓу останатото опфаќа:
- Комплетен ANS сервис,
- Метеоролошко обезбедување на летањето,
- Испитување во делот на безбедност на летањето, операции сврзани со потрага и спасување, инспекција на цивилната авијација, одржување и регистрација на воздухопловите, аеродромите и летилиштата,
- Воспоставување и проширување на соработката во областа на цивилното воздухопловство на меѓународно ниво,
- Надградба на системите и развој на проекти во врска со цивилното воздухопловство.
| 
